சண்டைக்காரரை மாற்றிய விஜய்

விஜய் படத்தில் மாறாத விஷயங்கள் என்று சில உண்டு. அதில் முக்கியமானது சண்டைப் பயிற்சியாளர் பெப்சி விஜயன்.  விஜய்யின் பெரும்பாலான படங்களுக்கு பெப்சி விஜயன்தான் சண்டைக் காட்சிகள் அமைத்திருக்கிறார். ஆனால், வேட்டைக்காரனிலிருந்து இந்த காம்பினேஷன் மாறுகிறது. விஜயனின் இடத்தை கனல் கண்ணன் பிடித்திருக்கிறார். வேட்டைக்காரனில் கனல் கண்ணன் அமைத்த சண்டைக் காட்சிகள் திருப்திகரமாக இருந்ததால் சுறா படத்திலும் அவரையே ஒப்பந்தம் செய்திருக்கிறார்கள்.  ஹைதராபாத்தில் நடந்த படப்பிடிப்பில் விஜய், வில்லன் தேவ் கில்லுடன் மோதும் காட்சியை கனல் கண்ணன் அமைத்திருந்தார். தொடர்ந்து இனி விஜய் படங்களுக்கு கனல் கண்ணனே ஸ்டண்ட் மாஸ்டராக பணிபு‌ரிவார் என்கிறார்கள். ஹைதராபாத்தில் படப்பிடிப்பை முடித்துவிட்டு டிசம்ப‌ரில் மீண்டும் கேரளாவுக்கு செல்கிறது சுறா யூனிட்